| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 40.33 | Dem. 40.37 (English) | >>Dem. 40.40 |
40.35ὡς δʼ ἐν κεφαλαίῳ εἰπεῖν , κακά μοι παρέχων ἠνάγκασέ με λαχεῖν αὑτῷ δίκην περὶ τοῦ ὀνόματος , οὐχ ἵνα χρήματα παρʼ αὐτοῦ λάβω , ὦ ἄνδρες δικασταί , ἀλλʼ ἵνα , ἐὰν ὑμῖν δοκῶ δεινὰ πάσχειν καὶ βλάπτεσθαι μεγάλα , οὑτοσὶ καλῆται Βοιωτός , ὥσπερ ὁ πατὴρ αὐτῷ ἔθετο . ὅτι τοίνυν ἀληθῆ καὶ ταῦτα λέγω , λαβέ μοι καὶ τὰς περὶ τούτων μαρτυρίας .πρὸς τούτοις τοίνυν καὶ ὅτι ἐγὼ στρατευόμενος καὶ μετὰ Ἀμεινίου ξενολογήσας , ἄλλοθέν τε χρήματα εὐπορήσας καὶ ἐκ Μυτιλήνης παρὰ τοῦ ὑμετέρου προξένου Ἀπολλωνίδου καὶ παρὰ τῶν φίλων τῆς πόλεως λαβὼν τριακοσίους στατῆρας Φωκαιᾶς , ἀνήλωσα εἰς τοὺς στρατιώτας , ἵνα πρᾶξίς τις πραχθείη καὶ ὑμῖν καὶ ἐκείνοις συμφέρουσα ,
40.37περὶ τούτων μοι δικάζεται ὡς πατρικὸν κεκομισμένῳ χρέως παρὰ τῆς πόλεως τῆς Μυτιληναίων , Καμμῦ τῷ τυραννοῦντι Μυτιλήνης ὑπηρετῶν , ὃς καὶ ὑμῖν κοινῇ καὶ ἐμοὶ ἰδίᾳ ἐχθρός ἐστιν . ὅτι δὲ ὁ πατὴρ ἡμῶν , ἣν ἐψηφίσαντο αὐτῷ δωρεὰν οἱ Μυτιληναῖοι , εὐθὺς αὐτὸς ἐκομίσατο , καὶ ὡς οὐδὲν ὠφείλετο αὐτῷ χρέως ἐν Μυτιλήνῃ , τῶν ὑμετέρων φίλων παρέξομαι μαρτυρίαν .ἔχων τοίνυν , ὦ ἄνδρες δικασταί , καὶ ἄλλα πολλὰ καὶ δεινὰ λέγειν , ἃ οὗτος καὶ εἰς ἐμὲ καὶ εἰς ὑμῶν ἐνίους ἡμάρτηκεν , ἀναγκάζομαι διὰ τὸ ὀλίγον εἶναί μοι τὸ ὕδωρ παραλιπεῖν . νομίζω δὲ καὶ ἐκ τούτων ὑμῖν ἱκανῶς ἐπιδεδεῖχθαι , ὡς οὐ τοῦ αὐτοῦ ἀνθρώπου ἐστίν , ἀγῶνα μέν μοι περὶ φυγῆς κατασκευάζειν καὶ δίκας οὐδὲν προσηκούσας δικάζεσθαι , πρὸς δὲ τὸν διαιτητὴν ἀπαντᾶν ἀπαράσκευον . ὥστε περὶ μὲν τούτων ἂν ἐπιχειρῇ λέγειν , οὐκ οἴομαι ὑμᾶς ἀποδέξεσθαι .
Μαρτυρίαι
40.36
Μαρτυρία
40.38
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 40.33 | Dem. 40.37 (English) | >>Dem. 40.40 |
